पाचव्या राज्यस्तरीय खुल्या तायक्वांदो स्पर्धेत लातूरला ८ पदके – पोलीस निरीक्षक संतोष पाटील यांच्या हस्ते विजेत्यांचा सत्कार

पाचव्या राज्यस्तरीय खुल्या तायक्वांदो स्पर्धेत लातूरला ८ पदके – पोलीस निरीक्षक संतोष पाटील यांच्या हस्ते विजेत्यांचा सत्कार

लातूर : दि 18 फेब्रुवारी श्री शिवछत्रपती क्रीडा संकुल बालेवाडी पुणे येथे दिनांक 14 ते 17 फेब्रुवारी दरम्यान संपन्न झालेल्या पाचव्या राज्यस्तरीय खुल्या तायक्वांदो स्पर्धेत लातूरला आठ पदके प्राप्त झाली असून या विजयी खेळाडूंचे स्वामी विवेकानंद पोलीस ठाण्याचे पोलीस निरीक्षक संतोष पाटील यांच्या हस्ते सत्कार करण्यात आला आहे.

पुणे तायक्वांदो ऑर्गनायझेशन व योगीराज तायक्वांदो अकॅडमी अंतर्गत श्री शिवछत्रपती क्रीडा संकुल बालेवाडी पुणे येथे आयोजित करण्यात आलेल्या पाचव्या राज्यस्तरीय खुल्या तायक्वांदो स्पर्धेत महाराष्ट्रातील दोन हजार खेळाडूंनी सहभाग नोंदवला होता. यामध्ये लातूरच्या पाच खेळाडूंनी सहभाग नोंदवून क्युरोगी व पुमसे या दोन प्रकारात आपली कसब दाखवत तीन रजत व पाच कास्य असे एकूण आठ पदकांची कमाई केली आहे. एकूण स्पर्धेत लातूरच्या खेळाडूंची उत्कृष्ट कामगिरी राहिली असून त्यांचे सर्व स्तरातून कौतुक केले जात आहे. 

तर आज दिनांक 18 फेब्रुवारी रोजी सकाळी श्री केशवराज विद्यालय लातूर येथे स्वामी विवेकानंद पोलीस ठाण्याचे पोलीस निरीक्षक संतोष पाटील यांच्या हस्ते आरोही मंचक राऊतराव, श्रावणी संजय खडबडे, अहिल अमजद पठाण, विनय महेश वळसंगे, श्रीगणेश संजय खडबडे व प्रशिक्षक धनश्री संजय मदने यांचा सत्कार करण्यात आला. या खेळाडूंना आशियाई तायक्वांदो प्रशिक्षक तथा राष्ट्रीय पंच मास्टर नेताजी जाधव यांचे मार्गदर्शन लाभले असून यावेळी तायक्वांदो पंच तथा प्रशिक्षक जानवी विनोद मदने, एस व्ही कुलकर्णी व खेळाडू उपस्थित होते.