लातूर पोलिसात उत्कृष्ट कामगिरीबद्दल पोलिस निरीक्षक सुधाकर बावकर यांचा विशेष सेवा सत्कार
लातूर : दि. 26 जानेवारी पोलीस अधीक्षक कार्यालय येथील जिल्हा पोलीस विशेष शाखा प्रमुख पोलीस निरीक्षक सुधाकर मुरलीधर बावकर यांना लोकसभा निवडणूक काळातील सर्व अति महत्त्वाच्या व्यक्तींचे दौरे बंदोबस्त, योजना व गुप्तवार्ता संकलन या कार्यासाठी पालकमंत्री शिवेंद्रसिंह राजे भोसले यांच्या हस्ते विशेष सेवा सत्कार करण्यात आला आहे.
जिल्हा क्रीडा संकुल औसा रोड लातूर येथे लातूर जिल्हा प्रशासनाच्या वतीने आयोजित प्रजासत्ताक दिनानिमित्त पोलीस अधीक्षक कार्यालय यांच्या वतीने जिल्ह्यातील पोलीस विभागात उल्लेखनीय कामगिरी करणाऱ्या पोलीस अधिकारी व कर्मचारी यांना विशेष सेवा सत्कार करून गौरविण्यात आले असून जिल्हा पोलीस विशेष शाखा प्रमुख पोलीस निरीक्षक सुधाकर मुरलीधर बावकर यांना लोकसभा निवडणूक काळातील सर्व अति महत्त्वाच्या व्यक्तींचे दौरे बंदोबस्त, योजना व गुप्तवार्ता संकलन या कार्यासाठी पालकमंत्री शिवेंद्रसिंह राजे भोसले यांच्या हस्ते विशेष सेवा सत्कार करण्यात आला आहे यावेळी जिल्हाधिकारी सौ वर्षा ठाकूर घुगे व पोलीस अधीक्षक श्री सोमय मुंडे यांची उपस्थिती होती.
पोलीस निरीक्षक सुधाकर मुरलीधर बावकर हे राज्यातील विविध ठिकाणी आपली सेवा कार्य उल्लेखनीय राहिलेले आहे त्यांनी अनेक गंभीर गुन्ह्यातील तपास अत्यंत जलद गतीने पूर्ण केला असून जिल्ह्यात गुन्हेगारी क्षेत्रात त्यांचा मोठा दबदबा आहे. यावेळी पोलीस उपाधिक्षक गृह गजानन भातलवंडे, पोलीस हवालदार अजय शिंदे, महादेव शिंदे तसेच स्थानिक गुन्हे शाखेचे कर्मचारी यांनाही प्रशस्तीपत्र देण्यात आले आहे.
0 Comments