गीतांजली नागरगोजेचा राज्यस्तरीय तायक्वांदो स्पर्धेत यश आणि सन्मान

गीतांजली नागरगोजेचा राज्यस्तरीय तायक्वांदो स्पर्धेत यश आणि सन्मान

लातूर : दि 28 जानेवारी कु. गीतांजली रवींद्र नागरगोजे रिलायन्स लातूर पॅटर्न ची अव्वल खेळाडू ठरली असून  तिने श्री शिवछत्रपती क्रीडा संकुल बालेवाडी पुणे येथील राज्यस्तरीय शालेय तायक्वांदो क्रीडा स्पर्धेत पदक प्राप्त केले आहे. यासाठी तिचे प्रजासत्ताक दिनानिमित्त श्री संगमेश्वर चॅरिटेबल ट्रस्ट द्वारा संचलित श्री त्रिपुरा कनिष्ठ विज्ञान महाविद्यालय लातूर यांच्या वतिने स्मृतिचिन्ह पुष्पगुच्छ देऊन सत्कार करण्यात आला आहे. याचबरोबर या स्पर्धेत पदक प्राप्त केलेल्या कु. रागिनी मारुती क्षीरसागर हिचा ही सत्कार करण्यात आला आहे. हा सत्कार संस्थाचालक उमाकांत होनराव, कोषाध्यक्ष प्रेरणा होनराव व प्राचार्य सुलक्षणा केवळराम यांच्या हस्ते करण्यात आला आहे.

 कुमारी गीतांजली रवींद्र नागरगोजे हिने तायक्वांदो खेळातील पदवी पूर्ण केली असून ती ब्लॅक बेल्ट धारक आहे. तिने आतापर्यंत तायक्वांदो खेळात राज्य व राष्ट्रीय स्पर्धेत आपली कसब दाखवली असून अनेक पदके प्राप्त केली आहे तर ती एक प्रतिभावान खेळाडु आहे. गितांजली सद्धा बारावी बोर्ड परीक्षेसाठी तयारी करत असुन तिला नॅशनल डिफेन्स ॲकडमी अंतर्गत पुढील शिक्षण घेऊन देश सेवा करण्याचे स्वप्न उराशी बाळगून आहे.

कु गितांजली नागरगोजे हिच्या यशासाठी आशियाई तायक्वांदो प्रशिक्षक तथा राष्ट्रीय तायक्वांदो पंच नेताजी जाधव हे मार्गदर्शन करीत असून तिच्या या यशाबद्दल जिल्हा क्रीडा अधिकारी जगन्नाथ लकडे, क्रीडा अधिकारी कृष्णा केंद्रे, सुरेंद्र कराड, चंद्रकांत लोदगेकर, जयराज मुंडे, प्राचार्य ओंकार होनराव, ज्येष्ठ पत्रकार लिंबराज पन्हाळकर, के वाय पटवेकर, संजय गुच्चे, क्रीडा शिक्षक प्रयागराज गरुड, गुरुनाथ झुंजारे, पोलीस निरीक्षक सुधाकर बावकर, संजीवन मिरकले, गणेश कदम, संतोष पाटील, पोलीस उपनिरीक्षक अनिल कांबळे यांच्यासह परिसरातून अनेकांनी कौतुक केले आहे.