नॅशनल किकबॉक्सिंग स्पर्धेत लातूरचे खेळाडू चमकले

नॅशनल किकबॉक्सिंग स्पर्धेत लातूरचे खेळाडू चमकले

लातूर : गोवा किकबॉक्सिंग एसोसिएशन (जीकेए) द्वारा आयोजित नॅशनल किकबॉक्सिंग चॅम्पियनशिप 19 ते 22 जानेवारी 2025 दरम्यान गोव्यातील पणजी येथील इनडोर स्टेडियम कॅम्पलमध्ये पार पडली. या स्पर्धेत लातूर जिल्ह्यातील किकबॉक्सिंग खेळाडूंनी उत्कृष्ट कामगिरी केली.

अहमदपूर-तळेगाव येथील क्राईस्ट इंटरनॅशनल स्कूल अँड कॉलेजचा रूद्र वाघमारे (रजत पदक), दत्ता फड (रजत), सार्थक मद्देवाड (कांस्य पदक), सुरज चावरे (कांस्य पदक), श्रीकर शिंदे (कांस्य पदक), गुंडप्पा धनोरे औद्योगिक प्रशिक्षण संस्था, देवणीचा शुभम बोडके (कांस्य पदक), तसेच कै. नरसिंहराव चव्हाण विद्यालय, नळेगावचा वेदांत क्षीरसागर (सहभाग) यांनी यश मिळवले.

यशस्वी खेळाडूंचे पोलीस निरीक्षक संतोष पाटील यांनी लातूर: विवेकानंद चौक पोलीस स्टेशनमध्ये स्वागत केले. त्यांनी यशस्वी खेळाडूंना पुढील वाटचालीसाठी शुभेच्छा दिल्या आणि त्यांचे कौतुक करत सांगितले की, त्यांच्या यशामुळे लातूरचा गौरव वाढला आहे. यावेळी गोपनिय शाखेचे बालाजी जाधव आणि कार्यालयीन कर्मचारी उपस्थित होते.

वरील यशस्वी खेळाडूंचे महाराष्ट्र किकबॉक्सिंग असोसिएशनचे प्रशिक्षक तथा रुलर अँड अर्बन किकबॉक्सिंग असोसिएशन, लातूरचे सचिव के. वाय. पटवेकर, अध्यक्ष खय्युम तांबोळी, उपाध्यक्ष शदाब पटवेकर, क्राईस्ट इंटरनॅशनल स्कूल अँड ज्युनिअर कॉलेज संस्थाध्यक्ष जीवनकुमार मद्देवाड, सीईओ रितू मद्देवाड, मॅनेजमेंट ट्रस्टी रक्षा मद्देवाड, शाळा समन्वयक संगमेश्वर ढगे, फुटबॉल कोच इस्माईल शेख, गुंडप्पा धनोरे औद्योगिक प्रशिक्षण संस्था, देवणीचे प्राचार्य सुनील जाधव, निदेशक प्रशांत पंडित, आनंद कोळी, विजयनाथ राठोड, कै. नरसिंहराव चव्हाण विद्यालय, नळेगावचे मुख्याध्यापक चेतन चव्हाण, सहशिक्षक गोविंद वाघमारे, अशिहरा कराटे असोसिएशनचे सचिव संतोष तेलंगे सह मित्र परिवारातुन अभिनंदन होत आहे.

यशस्वी खेळाडूंना मुख्य प्रशिक्षक विक्रम गायकवाड, प्रशिक्षक विश्वजीत येणकुरे यांचे मार्गदर्शन लाभले.