कु. शिवानी गुणवंत विद्यार्थी पुरस्काराने सन्मानित

कु. शिवानी गुणवंत विद्यार्थी पुरस्काराने सन्मानित

लातूर: वीरशैव लिंगायत समाजाच्या वतीने आयोजित गुणगौरव सोहळयात कु. शिवानी नीळकंठ स्वामी हिचा गुणवंत विद्यार्थी पुरस्कार देऊन गौरव करण्यात आला. वीरशैव भवन, खंडोबा गल्ली येथे संपन्न झालेल्या गुणवंत विद्यार्थी सत्कार सोहळयात समाजातील मान्यवरांच्या उपस्थितीत हा सोहळा पार पडला.

शिवानी हिने नुकत्याच संपन्न झालेल्या नीट परीक्षेत ५८३ गुण घेत उल्लेखनीय यश संपादन केले आहे. विशेष म्हणजे कुठल्याही प्रकारची खाजगी शिकवणी न लावता शिवानीने हे यश संपादन केले आहे. औरंगाबाद येथील शासकीय वैद्यकीय महाविद्यालयात तिचा वैद्यकीय शिक्षणासाठी पहिल्याच यादीत क्रमांक लागला आहे.

अंबाजोगाई येथील श्री ष ब्र १०८ गुरु शंभुलिंग शिवाचार्य महाराज यांच्या हस्ते सन्मानचिन्ह आणि गौरव पत्र देऊन शिवणीचा सन्मान करण्यात आला आणि पुढील शैक्षणिक वाटचालीस शुभेच्छा देण्यात आल्या. याप्रसंगी स्वामी परिवारातील सर्व सदस्य, सत्कार सोहळा संयोजन समितीचे प्रमुख तुकाराम झुकले, अध्यक्ष विश्वनाथ निगुडगे, सचिव उमाकांत कोरे, उपाध्यक्ष लक्ष्मीकांत मंठाळे यांच्यासह समाजातील अनेक मान्यवर, विद्यार्थी, विद्यार्थिनी उपस्थित होते.