औसा तालुका पत्रकार संघाची कार्यकारणी घोषित
महेश कोळी
औसा: औसा तालुका पत्रकार संघाच्या अध्यक्षपदी काशिनाथ गुरुसिद्धप्पा सगरे यांची तर सचिवपदी महेबूब शरफोद्दिन बक्षी यांची बिनविरोध निवड शनिवार दिनांक 18 फेब्रुवारी रोजी शासकीय विश्रामगृह येथे बैठकीत करण्यात आली.
ज्येष्ठ पत्रकार रमेश दूरगकर, राजू पाटील, आणि संजय सगरे या ञिसदसीय समितीला सर्वानुमते अध्यक्ष व सचिव निवडण्यासाठी अधिकार देण्यात आले होते. बैठकीमध्ये अध्यक्ष आणि सचिव पदासाठी इच्छुक असलेल्या इच्छुकांच्या नावांमधून समितीने बिनविरोध निवड घोषित केली. पत्रकार संघाच्या उर्वरित कार्यकारणी मध्ये उपाध्यक्ष रोहित हंचाटे व बालाजी उबाळे,सहसचिव पदी विनायक मोरे,कोषाध्यक्ष ईलाहीस चौधरी तर कार्यकारिणी सदस्य म्हणून रमेश दूरगकर,राजू पाटील, संजय सगरे,राम कांबळे,विश्वनाथ गुंजोटे यांची निवड करण्यात आली.
या बैठकीमध्ये सर्वश्री रमेश शिंदे,सूर्यकांत बाळापुरे, महेश ऊस्तुरे, विठ्ठल पांचाळ,समीर डेंग,शमसुल काजी. किशोर जाधव, रामकृष्ण जाधव,वामन अंकुश, गिरीधर जंगले,शिवाजी मोरे,आफताब शेख,रोहित सगरे, देविदास सुरवसे, यांच्यासह इतर पत्रकार उपस्थित होते.
0 Comments