मराठी अस्मितेचा इशारा वृत्त समुहाचा संविधान दिन विशेषांक माझं लातूर परिवारास भेट

मराठी अस्मितेचा इशारा वृत्त समुहाचा संविधान दिन विशेषांक माझं लातूर परिवारास भेट

लातूर: इशारा वृत्त समुहाच्या वतीने संविधान दिनाचे औचित्य साधून विशेषांकाचे प्रकाशन मुंबईचे अप्पर पोलीस आयुक्त तथा लातूरचे भूमिपुत्र निसार तांबोळी यांच्या हस्ते मुंबईत प्रकाशित करण्यात आले आहे.

संविधानाची महती आणि वैशिष्ट्ये अधोरेखित करणारा इशाराचा हा विशेषांक आज माझं लातूर परिवारास भेट देण्यात आला. या प्रसंगी सतीश तांदळे, काशिनाथ बळवंते, रत्नाकर निलंगेकर, अमर करकरे, प्रशांत मुसळे यांच्यासह इशाराचे संपादक के वाय पटवेकर, उपसंपादक बी डी उबाळे यांची उपस्थिती होती.

हा विशेषांक भारतीय संविधानाचे महत्व विषद करणारा दस्तावेज आहे. यात लिहिलेले लेख अभ्यासपूर्ण आणि वाचनीय असल्याचे मत माझं लातूर परिवाराचे प्रमुख, पत्रकार सतीश तांदळे यांनी यावेळी बोलताना व्यक्त केले. तर माझं लातूर परिवाराच्या "मोफत संविधान उद्देशिका वितरण" या उपक्रमाने मला हा विशेषांक काढण्यास प्रेरित केले असल्याचे संपादक के वाय पटवेकर यांनी सांगितले. या प्रसंगी इशारा समुहाच्या दिनदर्शिकेचे वितरण माझं लातूर परिवारातील उपस्थित सदस्यांना करण्यात आले.