देवेंद्र फडणीसांच्या ताफ्यातील वाहनाला जळगावात अपघात

जळगाव:(प्रतिनिधी/महावीर जैन) महाराष्ट्राचे माजी मुख्यमंत्री आणि राज्याचे विरोधी पक्ष नेते देवेंद्र फडणवीस हे सध्या कोरोनाच्या पार्श्वभूमीवर राज्यभर दौरा करत आहेत. आज बुधवारी संध्याकाळी नाशिकचा दौरा आटोपून जळगावात दाखल झाले आहे. दरम्यान ताफ्यातील दरेकर यांच्या वाहनाला पोलीस वाहनाचीच धडक बसली. यात कारचे नुकसान झाले असले तरी कोणालाही दुखापत झालेली नाही. भालोदहून परतत असताना हा अपघात झाला. ताफ्यातील एका गाडीने पुढे असणाऱ्या दरेकर यांच्या गाडीला धडक दिली.आज नाशिक जिल्ह्यातील मालेगाव येथे कोविड रूग्णालयाला भेट देऊन वैद्यकीय अधिकार्‍यांशी चर्चा केली. त्यानंतर त्यांनी जळगावात दाखल झालेत. जळगावमध्ये उद्या त्यांचा दौरा आहे. ते जळगावमधील रुग्णालयांना भेट देऊन करोना व्हायरसच्या स्थिती संदर्भात माहिती घेणार आहेत.